Имшаб шабакаи iFilm2 мизбони ду анҷоми пурҳаяҷон аст; ҷое ки розҳои пинҳон, интихобҳои душвор ва сарнавишти қаҳрамонони асосии ду силсилафилми «Аз сарнавишт 3» ва «Пули касиф» ошкор хоҳанд шуд.
Қисмати охири мавсими сеюми силсилафилми «Аз сарнавишт» имрӯз, 21 июни соли 2026, аз шабакаи iFilm2 пахш мешавад; мавсиме, ки дар он роҳи зиндагии Ҳошим ва Суҳроб ба марҳилаи нав ворид гардид. Ин ду дӯсти дерина, ки аз рӯзҳои сахти кӯдакӣ ҳамроҳи бинандагон буданд, дар мавсими сеюм бо озмоишҳои ҷиддии зиндагӣ, тасмимҳои ҳассос ва розҳое аз гузашта рӯбарӯ шуданд.
«Аз сарнавишт» ба коргардонии Муҳаммадризо Хирадмандон ва Алиризо Базрафшон, достони рушд ва талоши ду ҷавонро ривоят мекунад, ки бо вуҷуди душвориҳо барои сохтани ояндаи беҳтар кӯшиш мекунанд. Дар мавсими сеюм, Ҳошим дар остонаи ташкили зиндагии муштарак нохоста гирифтори парвандаи мураккабе вобаста ба қочоқ гардид ва Суҳроб низ бо ҳақиқате аз гузаштаи худ рӯбарӯ шуд.
Дар ин силсилафилм ҳунармандоне чун Кайсон Дибоҷ, Доро Ҳайёӣ, Фотимо Баҳормаст, Пуриё Пурсурх, Лайло Булукот, Маҷид Вошиқонӣ ва Ҳусайн Покдил нақш офаридаанд.
Ҳамчунин қисмати охири силсилафилми «Пули касиф» низ имшаб пахш мешавад; достони иҷтимоӣ дар бораи васваса, хонавода ва паёмадҳои интихобҳое, ки метавонанд роҳи зиндагии инсонҳоро тағйир диҳанд.
«Пули касиф» бо ривояти зиндагии Дориюш ва Марям нишон дод, ки чигуна фишорҳои иқтисодӣ ва талош барои зуд расидан ба оромиш метавонад як хонаводаро ба роҳи душвор бикашонад. Вуруди Киёнӣ ба зиндагии ин зану шавҳар дар оғоз умеде барои ҳалли мушкилот буд, аммо тадриҷан розҳо ва хатарҳои наверо ошкор кард.
Ин силсилафилм танҳо дарбораи ҷиноят ва қочоқ нест; балки дарбораи эътимод, арзиши хонавода ва қимати тасмимҳое мебошад, ки дар шароити душвор гирифта мешаванд. Дар ин маҷмуа ҳунармандоне чун Фарҳод Ҷам, Зебо Буруфа, Ризо Рӯйгарӣ, Ғуломҳусайн Лутфӣ, Оноҳито Неъматӣ, Хотира Ҳотамӣ, Ҳасан Асадӣ ва Алиром Нуроӣ ҳузур доранд.
Қисмати охири «Аз сарнавишт 3» соати 19:00 ба вақти Теҳрон, 20:00 ба вақти Кобул ва 20:30 ба вақти Душанбе пахш мешавад. Пас аз он, мавсими чоруми «Аз сарнавишт» ҷойгузини ин силсилафилм хоҳад шуд.
Қисмати охири «Пули касиф» низ соати 20:00 ба вақти Теҳрон, 21:00 ба вақти Кобул ва 21:30 ба вақти Душанбе аз шабакаи iFilm2 пахш мешавад ва аз фардо силсилафилми «Тӯбо» ҷойгузини он хоҳад шуд.
